由月月冷戰，到重新對話

妻子愈想傾，丈夫愈沉默；一個追、一個逃。每次吵架都係指責、冷戰、和好、又再爆發，兩人已經好耐冇真正傾過偈。

透過覺察互動循環，丈夫第一次講出「我唔係唔在乎，我係怕一開口又做錯」；妻子亦明白自己嘅追問，背後係「好驚失去你」。

由「你點解成日咁」變成「我其實好需要你」，重新建立咗安全嘅連結。

「唔聽話」男孩嘅真實需要

喺學校成日發脾氣、唔肯做功課，老師話佢「有行為問題」，家長已經準備帶佢去評估、諗住貼個標籤。

顧問冇急住分類，而係先理解：原來男孩覺得「點做都唔夠好」，發脾氣只係佢唯一識嘅求救方式。

家長學識回應佢嘅情緒，而唔係鎮壓行為。三個月後，男孩發脾氣次數大幅減少。

長期焦慮嘅專業人士，重新唞到氣

工作壓力爆煲、長期失眠、覺得「所有嘢都要自己撐」，但愈撐愈孤獨、愈焦慮。

喺唔被評斷嘅空間，佢第一次承認「我好攰」。顧問協助佢重拾群體連結，學識唔使一個人扛。

由失眠焦慮，到重新感受到「有人喺度」，搵返生活嘅平衡。

雞同鴨講嘅團隊，終於真正合作

部門之間各做各、互不信任，開會變辯論，上完一堆 training 都冇用。

透過體驗活動，成員第一次真正「看見」彼此嘅工作模式同難處，而唔係淨係對住個職位。

由互相推諉，變成主動協作，跨部門項目交期縮短咗三成。

家庭成長套餐

婚姻問題同孩子行為好多時連埋一齊。一個套餐，同時照顧你同你嘅家庭。

HK$6,000

企業一條龍套餐

做 training 順便租場，一條龍服務，更慳時間更慳錢。

歡迎查詢